“ალილოს” საიუბილეო შემოქმედებითი საღამო

27 დეკემბერს ათონის დარბაზში 2019 წლის ბოლო ღონისძიება გაიმართა ჯგუფ ,,ალილოსთან” ერთად.

საიუბილეო, შემოქმედებით საღამოზე გაიჟღერა ყველასათვის საყვარელმა სიმღერებმა ,,ალილოს” რეპერტუარიდან, რომლებიც ასე უხდება მოახლოებულ სადღესასწაულო დღეებს.

საღამოზე მოსულ სტუმრებს შესაძლებლობა ჰქონდათ, გაეტარებინათ 2019 წლის ბოლო პარასკევი საღამო თბილ და სადღესასწაულო გარემოში, დაესვათ კითხვები თავიანთი საყვარელი მომღერლებისთვის და ჰქონოდათ მათთან ცოცხალი კომუნიკაცია

ღონისძიებას არ ჩაუვლია ზეიმისთვის აუცილებელი საგანგებოდ “ალილოსთვის” ანთებული ტორტისა და ცქრიალა ღვინის გარეშე.